मित्र मंडळांनी पुढील काळात डीजे मुक्त मिरवणूक सुरू करावी – आयुक्त यशवंत डांगे
अहिल्यानगर
ahilyanagar mahanagarpalika ganesh utsav scene competition समाजामध्ये वावरत असताना आपण समाजाचे काहीतरी देणे लागते या भावनेतून युवा पिढीने सकारात्मक दृष्टिकोनातून सामाजिक बांधिलकी जोपासत आपले कर्तव्य पार पाडावे आपल्याला ऐतिहासिक, धार्मिक, पौराणिक, सांस्कृतिक परंपरा लाभले असून मित्रमंडळाने देखील समाजामध्ये जनजागृती करण्याचे काम केले आहे. त्यांच्या पाठीवर शाब्बासकीची थाप म्हणून शहरातील 24 मंडळांना रोख रक्कम व पारितोषिकांनी सन्मानित करण्यात आले.
मित्र मंडळांनी पुढील काळात डीजे मुक्त मिरवणूक सुरू करावी यासाठी महापालिका सहकार्य करेल. सध्याच्या काळात गणेश उत्सव वेगळ्या बाजूला चालला असून आपण सर्वांनी एकत्रित येऊन आपली संस्कृती जोपासण्याचे काम केले पाहिजे.
जागरूक नागरिक म्हणून आपण मनपा बरोबर काम केले पाहिजे आपल्या आजूबाजूला समाज विघटक घटना घडत असतात त्यावर लक्ष ठेवून त्या घडू नये यासाठी प्रयत्न करावे असे प्रतिपादन मनपा आयुक्त यशवंत डांगे यांनी केले.
अहिल्यानगर महानगरपालिका गणेश उत्सव देखावा स्पर्धेचे पारितोषिक वितरण संपन्न आयुक्त यशवंत डांगे यांच्या हस्ते संपन्न झाले यावेळी उपायुक्त प्रियंका शिंदे, सहायक आयुक्त निखिल फराटे, घनकचरा व्यवस्थापन प्रमुख अशोक साबळे, प्रसिध्दी व सांस्कृतिक विभाग प्रमुख शशिकांत नजान, क्रीडा विभाग प्रमुख व्हिन्सेंट फिलिप्स, परीक्षक अमोल बास्कर आदिसह शहरातील मित्र मंडळाचे अध्यक्ष उपाध्यक्ष व सभासद मोठ्या संख्येने उपस्थित होते.
मकर संक्रात सण हा जवळ आला असून युवा पिढी मोठ्या प्रमाणात पतंग उत्सवा मध्ये भाग घेत असतात पतंग काटाकटी साठी सर्रासपणे चायना मांजाचा वापर मोठ्या प्रमाणात होतो त्यामुळे पशुपक्षी व मनुष्याला हानी पोचत असते तरी नायलॉन मांजा वापरू नये यासाठी नागरिकांमध्ये जनजागृती करावी तसेच अहिल्यानगर शहर स्वच्छ सुंदर हरित करण्यासाठी पुढाकार घेऊन आपला परिसर स्वच्छ ठेवावा ओला व सुका कचरा घंटागाडीतच टाकावा शहरातील मित्र मंडळांनी गणेश उत्सवापुरते मर्यादित न राहता वर्षभर विविध सामाजिक उपक्रम राबवावे असे आव्हान मनपा आयुक्त यशवंत डांगे यांनी केले.
ahilyanagar mahanagarpalika ganesh festival गणेशोत्सव देखावे स्पर्धेचा निकाल २०२४
समाज प्रबोधनपर देखावे, स्वच्छता अभियान, पर्यावरण संतुलन, पाणी बचत आदी व इतर समाज प्रबोधनपर देखावे, व्यसनमुक्तीपर देखावे, प्लास्टिक मुक्ती, बेटी बचाओ बेटी पढाओ, जागतिक महामारीवर देखावे : प्रथम क्रमांक – तेलीखुंट तरुण मंडळ (नारी साक्षात अंबिकेचे रूप), द्वितीय क्रमांक (विभागून) – नवग्रह मित्र मंडळ (प्लास्टिकचा भस्मासूर) व छत्रपती शिवाजी आखाडा तरुण मंडळ (वासुदेवाची स्वारी), तृतीय क्रमांक (विभागून) – चौपाटी कारंजा मित्र मंडळ (संस्कार ही अपराध रोख सकता है.. सरकार नाही) व शिवगर्जना मित्र मंडळ (रोबोट)
ऐतिहासिक देखावे : प्रथम क्रमांक – शिववरद प्रतिष्ठान (पावन खिंड), द्वितीय क्रमांक (विभागून) – डाळमंडई तरुण मंडळ (शिवरायांचे गोरक्षण) व जनजागृती मित्र मंडळ (भक्ती शक्ती), तृतीय क्रमांक – जय आनंद महावीर युवक मंडळ (शिवराज्य अभिषेक सोहळा)
धार्मिक व अध्यात्मिक देखावे : प्रथम क्रमांक – नेताजी सुभाष तरुण मंडळ (द्रोणागीरी पर्वत – संजीवनी बुटी), द्वितीय क्रमांक (विभागून) – श्री महावीर प्रतिष्ठान (मार्कंडेय मुनींची कथा) व राजयोग प्रतिष्ठान (योग योगेश्वर शंकर महाराज), तृतीय क्रमांक (विभागून) – आदर्श युवक मंडळ (चांगदेव महाराजांचे गर्वहरण) व नंदनवन मित्र मंडळ (सण नागपंचमीचा)
जिवंत देखावे, सोशल मिडीया व आधुनिक तंत्रज्ञान : प्रथम क्रमांक – सिद्धेश्वर तरुण मंडळ (अफजल खानाचा वध), द्वितीय क्रमांक (विभागून) – जयहिंद तरुण मंडळ (अंधरुन पाहून पाय पसरावे) व सुभाषचंद मित्र मंडळ (व्यसन एक विनाश), तृत्तीय क्रमांक (विभागून) – दोस्ती तरुण मंडळ मंडळ (वेड सेल्फीचं) व संगम तरुण मंडळ (बाप लेक)
गणेश विसर्जन मिरवणुकीत मराठमोळी संस्कृतीची जपवणूक, समाज प्रबोधनपर, शिस्तबध्द व पारंपारिक पध्दतीने मिरवणूक : प्रथम क्रमांक – श्री विशाल गणपती ट्रस्ट, माळीवाडा, ( युगंधर वाद्यपथक आणि रूद्रनाथ वाद्य पथक )
द्वितीय क्रमांक – तालयोगी प्रतिष्ठान, सावेडी.
विशेष पारितोषिके : रंगसंस्कृती (रांगोळी ग्रुप), सम्राट तरुण मंडळ (भराडगल्ली)
